اراء وخواطر

 تناقضات واسئله ملهاش اجابه بالضبط زى ما اكون فوقت أو صحيت من نومي طويل ،ببص حواليا الاقى حاجات كتير غلط وتأخير فى تأخير فى كل حاجه تشويش جامد على الأفكار والأولويات ...طب انا كنت فين ؟ ،طب انا رجعت دلوقتى ده كويس ، لاء مش كويس عشان الوقت ضيق مش عارفه اركز ،حاجات كتير كان لازم تتعمل من زمان ،ياترى هلحق اعمل حاجه ؟ حاسه نفسى بنهج وضربات قلبى زياده ،حاسه انى بجرى بجرى عشان الحق بس بجرى فى اى اتجاه ،انا مش عارفه بجرى ناحيه ايه .لاء .. كفايه لازم اقف ،على الأقل افكر انا رايحه فين عشان اقدر أجرى صح ،احسن فى الاخر اكون بجرى فى الاتجاه الخاطىء