اراء وخواطر

 التنويم المغناطيسي  أحد الطرق المتبعه لفرض  سيطره أحدهم على الاخر ،لكن مش هى الطريقه الوحيده ،وان كانت اوضح الطرق لسلب الاراده والتحكم فى الغير ، من الطرق الأخرى لفرض السيطره طريقه الالهاء ،ببساطه انا بصدر ليك مشكله مهمه بالنسبالك واشغلك بيها بحيث يكون تفكيرك متمحور حولها عشان تجد ليها حلول ،واكون فى نفس الوقت بدبر لك مصيبه تانيه مش بعيده اوى عن المشكله دى ،ولما بنفذ اللى انا عاوزه ،بتلاقى نفسك ادام الأمر الواقع والموضوع بيكون خلص ،والطريقه دى مشهوره وبتحصل على المستوى العالمي ،زى مثلا صيحات الموضه العالميه فى اللبس والاجهزه والموبايلات اللى الغرب بيبتدعها عشان الدول العربية تقلدها وتنسى هويتها ،وزى التكنولوجيا الحديثه المتطوره اللى بردو الغرب بينتجها ويطبقها بشكل عملى ويطور من قدراته على أنه يسيطر على غيره من الدول ،فى نفس الوقت اللى الدول التانيه بتستخدم التكنولوجيا دى بطريقه خاطئه بحيث بتقرب نفسها بنفسها من النهايه ، وفى امثله كثيره جدا للالهاء زى اللى لاحظناها فى طريقه سيطره بعض الرؤساء من حولنا على شعوبهم بس بطريقه عكسيه ،يعنى هنا الالهاء مش بيكون بتصدير مشاكل لكن ...

 الوقت بيجرى وانا فى مكانى مبتحركش والايام والشهور بقت بتمر بسرعه كبيره  انا شايفه اللمبه الخضراء منوره والنظام فى وضع التشغيل وكل الاجهزه داخل النظام تمام بفضل الله وانا حتى مش قادره اشكره على النعم دى كلها  _ وعاوزه تعملى ايه وايه الطريقه الصحيحه لشكر ربنا على نعمه وفضله من وجهه نظرك ،انت شايفه انك مقصره فى شكره ليه يا انا ؟؟  عمل عظيم 💫 _ عاوزه اعمل حاجه تستمر ويكون ليها صفه الخلود اللى ربنا لم يمنحها للإنسان  انت مش بتسمعى أن الإنسان بيموت وبتفضل أعماله شاهده عليه وبينتفع بيها غيره ،انا لما بقرأ تفسير لايه من آيات القرآن الكريم لأحد من شيوخنا الكبار ،او فتوى من فتاوى ائمه المسلمين ،او بحث علمى لأحد علمائنا فى اى مجال من مجالات العلم ،صحيح بترحم عليهم وبزداد اعجاب بيهم وخصوصا أنهم مكنتش الدنيا أعظم همهم ومقدرتش الحياه بكل مغرياتها تجرفهم فى ملذاتها وملهياتها ،لكن مبقدرش امنع نفسى من الغيره منهم ،وبتمنى اعمل حاجه زيهم فى يوم من الايام ، قبل ما ييجى اليوم اللى تتعطل اجهزه النظام واحد بعد التانى وفجأه اللمبه المنوره اخضر تتحول لأحمر أو حتى اسود  _ عاوزه تب...

 شيفاكى فرحانه وسعيده بنفسك النهارده يا انا !! _ فعلا يا ذات  الحمدلله بكون سعيده جدا لما بقدم مساعده لاى انسان وبكون سعيده اكتر لو الإنسان اللى قدمت له المساعده معرفش انى انا اللى ساعدته  _ ايوه بس اللى حصل النهارده انك عرفتى حد تانى انك بتساعدى الشخص ده ،شيفه ده ايه ؟؟ _ لا يا ذات انا مش عاوزه الناس تقول عليا بساعد غيرى إذا كان ده قصدك ، لكن دى طريقتى عشان مكونش سبب فى احراج حد بمساعدتى ليه وكمان عشان ميكونش عنده احساس بأنه مدين ليا  _ بس ربنا أمرنا يا انا بالصدقات والذكاه وده شىء مفروض علينا وكونك تعمليه فى السر هيسبب لك حرج مع الناس اللى منتظره منك تتصدقى عليهم لأنهم هيعتقدوا انك متجاهله وجودهم وانسانه بخيله وده ممكن تديهم صوره غلط عنك وخصوصا أنهم معاكى فى مكان عملك أو فى مكان سكنك أو حواليك بأى طريقه كانت  _ انت ليه عاوزه تلخبطينى يا ذات ؟؟ طول عمرى محبش نظره الانكسار ولحظه مد الايد من فقير عشان ياخد حسنه أو صدقه أو ذكاه من اى شخص حتى ولو كان الشخص ده انسان حنون  _ متنسيش يا انا أن ربنا خلقنا طبقات وأمرنا برعايه الفقراء والمحرومين عشان يسود المحبه بين ...

 انت بتعملى ايه يا انا ؟!! باخد نفس عميق وبكتمه وأشوف الاحساس ده ايه وانا كاتمه نفسى ولامتى هستحمل  _  عارفه يا ذات ؟' انا خايفه من دخول القبر اوى  يعنى انا فى مكان ضيق جدا وضلمه ومفيش هوا ومحدش معايا خالص وكمان الحاجات اللى بتحصل فى القبر كلها اللى بنقرأها،... خايفه ياذات  _ انت مش هتبقى لوحدك ابدا  يا انا  هيكون معاكى عملك  _ ده فى حد ذاته مخوفنى جدا جدا  يعنى انا مش مستعده وكمان بفكر فى اعمالى كلها ،صحيح انا نيتى خالصه لوجه الله فى كل اعمالى ،لكن ده مش كفايه  كميه الخوف اللى جوايا نفسها مؤشر على أن فى حاجه غلط  _ لا مش دايما يا انا  انت بتحاسبى جدا فى اعمالك واقوالك عشان متأذيش حد ،وده جميل  انت بتحاولى تعملى الخير فى معظم تصرفاتك ،وده جميل  _ انا عارفه الحاجات دى يا ذات  بس مش كفايه انا خايفه من الميزان .. ايوه هو الميزان اللى هيحكم انا هروح فى اى طريق  _ طب إذا كنت وصلتى للنتيجه دى يا انا ،لازم تحاولى تزودى الطاعات والحسنات  _ الموضوع مش بالسهوله دى يا ذات  انا فى حاجات بعملها وبكون عارفه انها...