الصدقه الخفيه

 شيفاكى فرحانه وسعيده بنفسك النهارده يا انا !!

_ فعلا يا ذات 

الحمدلله بكون سعيده جدا لما بقدم مساعده لاى انسان وبكون سعيده اكتر لو الإنسان اللى قدمت له المساعده معرفش انى انا اللى ساعدته 

_ ايوه بس اللى حصل النهارده انك عرفتى حد تانى انك بتساعدى الشخص ده ،شيفه ده ايه ؟؟

_ لا يا ذات انا مش عاوزه الناس تقول عليا بساعد غيرى إذا كان ده قصدك ، لكن دى طريقتى عشان مكونش سبب فى احراج حد بمساعدتى ليه وكمان عشان ميكونش عنده احساس بأنه مدين ليا 

_ بس ربنا أمرنا يا انا بالصدقات والذكاه وده شىء مفروض علينا وكونك تعمليه فى السر هيسبب لك حرج مع الناس اللى منتظره منك تتصدقى عليهم لأنهم هيعتقدوا انك متجاهله وجودهم وانسانه بخيله وده ممكن تديهم صوره غلط عنك وخصوصا أنهم معاكى فى مكان عملك أو فى مكان سكنك أو حواليك بأى طريقه كانت 

_ انت ليه عاوزه تلخبطينى يا ذات ؟؟ طول عمرى محبش نظره الانكسار ولحظه مد الايد من فقير عشان ياخد حسنه أو صدقه أو ذكاه من اى شخص حتى ولو كان الشخص ده انسان حنون 

_ متنسيش يا انا أن ربنا خلقنا طبقات وأمرنا برعايه الفقراء والمحرومين عشان يسود المحبه بين الجميع والفقير ميكونش عنده حقد أو غضب أو كره للغنى لانه لا يعطيه من ماله 

_ انا بكون مرتاحه جدا لما بعطى الصدقه أو الذكاه فى الخفاء يا ذات 

_ بختلف معاك يا انا 

يعنى إذا كان الفقير حواليك فى مكان العمل او السكن يعنى بيشوفك باستمرار هيبقى منتظر منك المساعده ولو مش قدمتى المساعده دى بشكل علنى يعنى منك ليه هيحقد عليك وهيظن بيك الظنون 

_ انا انا محتاره