محاسبة

#Azza#
بقالنا مده طويله مبنتكلمش مع بعض ،إنت زعلانه مني ولا ايه؟ ايه؟ ليه مش بتردي ؟
أنا مش زعلآنه منك ،بس الحقيقة مش عارفه أقول إيه!
بصرآحه بحس لما بتكلم معاكي إن حالتي بتسوء مش بتتحسن ؟ إنت بتوهيني آكتر ، بتحيريني آكتر '!
لا يا انا ، كل اللي بعمله اني بحطك علي الطريق الصحيح، بفسر لك حاجات إنت عرفاها وخايفه تواجهيها ، بكشف لك المستور وبشيل الغطاء أللى إنت مغطيه بيه بعض تصرفاتك عشان تظهريها بصورة غير حقيقتها
متقوليش كده ، ارجوكي كفايه
متكونيش قاسية للدرجة دي
إنت يا( ذات ) لو يهمك أمري تنصحيني مش تهاجميني
تكشفيلي جوانب  يمكن مكنش واخده بالي منها '
ذات :_طب اسمحيلي يا ( انا) اسالك
إنت ليه في بعض الأحيان بتكوني متناقضة؟ ليه بتلومي بعض الناس علي بعض تصرفاتهم وانت احيانا بتعملي نفس التصرف ؟
ساعات بتفرطي في اللوم علي (س) اللي تصرف بشكل معين بينما أنت لو في مكانه يمكن تتصرفي نفس التصرف ؟
ليه مبترديش ؟
رجعنا تاني للسكوت 
انا_: احيانا بحس إني مش لازم أتكلم ، أو الافضل إني أسكت
ساعات بحس إني لو اتكلمت هغلط ممكن يكون غلطي في حق غيري أو في حق نفسي
ساعات بفكر إني عشان أتجنب الوقوع في الخطأ أو إني اجرح حد بدون ما أشعر أو تنمر علي حد( حتي لو الشخص ده مش هيوصل له تنمرى عليه)  عشان أتجنب كل ده أو غيرة مش لازم أتكلم أو حتي أشوف الناس أو اخرج من البيت
وعشان كلامك إللي إنت قولتيه ده ( ساعات بكون متناقض) ، بسكت  أسكت تماما ،لكن دايما بفكر..
إزاي أوصل للدرجه إللي تخليني اتدبر في كل حاجه بتحصل حواليا وافهمها صح ،إزاي ألاحظ الكون والمخلوقات واتعلم من كل المواقف اللي اتعرض لها غيرى  واكتسب خبرة (،بس في نفس الوقت) كيف لا أقع في المحظور ؟ إزاي متعرضتش لاني اغتاب حد أو أظلم حد ،إزاي أتجنب فخ التنمر والقسوة والاندفاع ، تفتكرى ده ممكن ؟
ذات : إسمعيني ي انا :
لازم تعرفي إن المشكلة دي مشكلة الجميع مش إنت لوحدك ، يعني كلنا أحيانا بنعترض أو بنرفض سلوك معين وممكن نرتكب نفس السلوك بطريقه أخرى أو حتي بنفس الطريقه لو اتعرضنا لموقف مشابه
معظمنا بيختلط عليه الأمر في بعض المواقف
بس مش لازم أبدا يكون الحل اننا نسكت أو نعتزل الناس ،لكن ممكن نصلح عيوبنا بتهذيب النفس عن طريق الطاعات المختلفه والعبادات اللي بتقربنا من ربنا آكتر ،في طرق كتير ممكن نعملها لتهذيب النفس واصلاحها ،
إنت لازم تكوني سعيده بالتفكير إللي إنت وصلتي له ده، لانك رافضة ترتكبي المعاصي والذنوب، وده في حد ذاته شىء جميل
استمرى يا ( أنا)
لا تتوقفي عن الكلام
لا تتوقفي عن التفكير
ولو حسيتي انك انجرفتي مع التيار تمسكي بخبيئة لا يعلمها إلا الله وانت، خبيئة تقربك إليه ، عندها ستشعرين بسعادة غامرة اتت من اليقين في كرم ورحمة وعدل الخالق

بقلمي..             #Azza#

تعليقات

إرسال تعليق

المشاركات الشائعة من هذه المدونة

تأملات

صورة
 اللهم القوه والمدد اللهم العون والسند قوه لنواجه الصدمات والأزمات ،قوه لنواجه الاحزان والامراض،قوه لمرضى وقوه لننهض بعد العثرات ،اللهم البصيره التى تكشف لنا حجب الذات ،اللهم العزم على إصلاح عيوبنا وعلمنا لغه العالم التى علمتها للجبال والبحار والسماء ،اجعلنا نفهم الاشارات التى ترسلها لنا فى حينها،وتب علينا لنتوب ،وارض عنا لنرضى
قراءة المزيد

حديث مع النفس

 انت بتعملى ايه يا انا ؟!! باخد نفس عميق وبكتمه وأشوف الاحساس ده ايه وانا كاتمه نفسى ولامتى هستحمل  _  عارفه يا ذات ؟' انا خايفه من دخول القبر اوى  يعنى انا فى مكان ضيق جدا وضلمه ومفيش هوا ومحدش معايا خالص وكمان الحاجات اللى بتحصل فى القبر كلها اللى بنقرأها،... خايفه ياذات  _ انت مش هتبقى لوحدك ابدا  يا انا  هيكون معاكى عملك  _ ده فى حد ذاته مخوفنى جدا جدا  يعنى انا مش مستعده وكمان بفكر فى اعمالى كلها ،صحيح انا نيتى خالصه لوجه الله فى كل اعمالى ،لكن ده مش كفايه  كميه الخوف اللى جوايا نفسها مؤشر على أن فى حاجه غلط  _ لا مش دايما يا انا  انت بتحاسبى جدا فى اعمالك واقوالك عشان متأذيش حد ،وده جميل  انت بتحاولى تعملى الخير فى معظم تصرفاتك ،وده جميل  _ انا عارفه الحاجات دى يا ذات  بس مش كفايه انا خايفه من الميزان .. ايوه هو الميزان اللى هيحكم انا هروح فى اى طريق  _ طب إذا كنت وصلتى للنتيجه دى يا انا ،لازم تحاولى تزودى الطاعات والحسنات  _ الموضوع مش بالسهوله دى يا ذات  انا فى حاجات بعملها وبكون عارفه انها...
قراءة المزيد

السيطره

 التنويم المغناطيسي  أحد الطرق المتبعه لفرض  سيطره أحدهم على الاخر ،لكن مش هى الطريقه الوحيده ،وان كانت اوضح الطرق لسلب الاراده والتحكم فى الغير ، من الطرق الأخرى لفرض السيطره طريقه الالهاء ،ببساطه انا بصدر ليك مشكله مهمه بالنسبالك واشغلك بيها بحيث يكون تفكيرك متمحور حولها عشان تجد ليها حلول ،واكون فى نفس الوقت بدبر لك مصيبه تانيه مش بعيده اوى عن المشكله دى ،ولما بنفذ اللى انا عاوزه ،بتلاقى نفسك ادام الأمر الواقع والموضوع بيكون خلص ،والطريقه دى مشهوره وبتحصل على المستوى العالمي ،زى مثلا صيحات الموضه العالميه فى اللبس والاجهزه والموبايلات اللى الغرب بيبتدعها عشان الدول العربية تقلدها وتنسى هويتها ،وزى التكنولوجيا الحديثه المتطوره اللى بردو الغرب بينتجها ويطبقها بشكل عملى ويطور من قدراته على أنه يسيطر على غيره من الدول ،فى نفس الوقت اللى الدول التانيه بتستخدم التكنولوجيا دى بطريقه خاطئه بحيث بتقرب نفسها بنفسها من النهايه ، وفى امثله كثيره جدا للالهاء زى اللى لاحظناها فى طريقه سيطره بعض الرؤساء من حولنا على شعوبهم بس بطريقه عكسيه ،يعنى هنا الالهاء مش بيكون بتصدير مشاكل لكن ...
قراءة المزيد